இணையத்தில் தீப்பொறி கிளப்பிய வாடிவாசல் தொடர்பாக ஜி.வி பிரகாஷ் டுவிட்

0 140

கடந்த ஆண்டு சுதா கொங்கரா மற்றும் நடிகர் சூர்யா கூட்டணியில் ஓடிடி தளத்தில் வெளியாகி மக்கள் மத்தியில் மாபெரும் வெற்றி பெற்ற திரைப்படம் ‘சூரரைப்போற்று’. குறித்த படத்திற்கு சூர்யா ரசிகர்கள் மற்றும் அல்ல திரைப்பட ரசிகர்களின் மத்தியிலும் அமோக வரவேற்பை பெற்றது.

சூரரைப்போற்று படத்தையடுத்து நவரசா என்ற ஆந்தாலஜியில் இயக்குனர் கௌவுதம்மேனன் கதையில் சூர்யா நடித்துள்ளார் . அதைத்தொடர்ந்து பாண்டிராஜ் இயக்கத்தில் சன் பிக்சர்ஸ் தயாரிப்பில் ஒரு படத்தில் நடிகர் சூர்யா நடித்து வருகின்றமை குறிப்பிடத்தக்கது. மேலும் இந்த படத்திற்கு இன்னும் பெயர் வைக்கப்படாத நிலையில் அதற்கு ‘சூர்யா 40’ என்று தற்காலிகமாக அழைக்கப்பட்டு வருகிறது.

இதனிடையே கடந்த ஆண்டு ஜூன் மாதம் 23 ஆம் திகதி இயக்குனர் வெற்றிமாறன் இயக்கத்தில் முதல் முறையாக சூர்யா நடிக்கும் ‘வாடிவாசல்’ திரைப்படத்தின் டைட்டில் லுக் போஸ்டர் இணையத்தில் வெளியிடப்பட்டது.

தமிழர்களின் வீர விளையாட்டான ஜல்லிக்கட்டு தொடர்பான இப்படம் என்பதாலும் மேலும் நடிகர் சூர்யா மற்றும் இயக்குனர் வெற்றிமாறன் கூட்டணி முதல்முறையாக இணைந்திருப்பதாலும் இந்தப் படத்தின் மீதான எதிர்பார்ப்பு இரு தரப்பு ரசிகர்களின் மத்தியில் அதிகரித்திருந்ததுள்ளது.

சூர்யா நடிக்கவுள்ள வாடிவாசல் திரைப்படத்துக்கு முன்பாக நகைச்சுவை நடிகர் சூரி ஹீரோவாகவும், மக்கள் செல்வன் விஜய் சேதுபதி முக்கிய கதாபாத்திரத்தில் நடிக்கும் ஒரு படத்தை இயக்கி வருகிறார் இயக்குனர் வெற்றிமாறன். இந்த இடைப்பட்ட வேளையில் இயக்குனர் பாண்டிராஜ் இயக்கத்தில் நடித்து வருகிறார் நடிகர் சூர்யா.

இயக்குனர் பாண்டிராஜின் படத்தை முடித்த பின்னர் இயக்குனர் வெற்றிமாறனின் படத்தில் சூர்யா இணைவார் என தெரிவிக்கப்படுகின்றது.

இந்நிலையில் சூர்யாவின் வாடிவாசல் படத்துக்கான இசைப்பணிகள் தொடங்கியிருப்பதாக அந்தப் படத்தின் இசையமைப்பாளர் ஜி.வி.பிரகாஷ் அவரின் உத்தியோகப்பூர்வ டுட்டரில் பதிவிட்டுள்ளார்.

புதிதாக கிடைத்திருக்கும் இந்த அப்டேட்டால் ரசிகர்கள் மட்டற்ற மகிழ்ச்சியடைந்துள்ளனர்.