‘குக்கு வித் கோமாளி’ செட்டுக்கு மீண்டும் சென்ற ஷிவாங்கி… வைரல் வீடியோ இதோ..!

0 95

விஜய் டிவியில் இதுவரை ஒளிபரப்பான நிகழ்ச்சிகளிலேயே அதிக வரவேற்ப்பை பெற்று மக்கள் மனதில் நீங்கா இடம்பிடித்திருப்பது குக்கு வித் கோமாளி சீசன் 2 நிகழ்ச்சி.

இந்த நிகழ்ச்சி முடிந்து பல நாட்கள் ஆகியும் இன்னும் பழைய எபிசோடுகளை பார்த்து ரசித்து வருகின்றனர் மக்கள்.

இந்த நிகழ்ச்சியில் பங்கேற்ற குக்குகள் மற்றும் கோமாளிகள் ஆகியவர்கள் வேற லெவல் பிரபலமாகி விட்டனர். இவர்களில் பலர் தற்பொழுது திரையுலகிலும் நடிக்கத் தொடங்கி விட்டார்கள்.

அஸ்வின் ஒரு சில படங்களில் ஹீரோவாக நடித்து வருகிறார். அதேபோல் புகழும் ஷிவாங்கியும் நடிக்க தொடங்கி விட்டனர். மேலும், தர்ஷா, பவித்ரா ஆகியோரும் கதாநாயகிகளாக நடித்து வருகின்றனர்.

இந்நிகழ்ச்சி பலரது வாழ்வில் திருப்புமுனையை ஏற்படுத்தி இருக்கிறது என்று கூறினால் அது மிகையாகாது.

இந்த நிலையில் குக்கு வித் கோமாளி செட்டுக்கு மீண்டும் சிவாங்கி சென்ற வீடியோ அவரது இன்ஸ்டாகிராம் பக்கத்தில் பதிவு செய்யப்பட்டுள்ளது.

அந்த வீடியோவில் “இங்கே தான் நான் நின்று கொண்டிருப்பேன். இங்கே மூன்று கேமராக்கள் இருக்கும். அங்கே புகழ் அண்ணன் இருப்பார். என்னை பார்த்தவுடன் ஓடி வருவார்” என்று சிவாங்கி தனது மலரும் நினைவுகளை கூறுகிறார்.

இந்த வீடியோ பதிவு செய்து ஒரு மணி நேரத்தில் 2 லட்சத்துக்கும் அதிகமானோர் லைக் செய்துள்ளனர் என்பது குறிப்பிடத்தக்கது.