தற்போது தெலுங்கில் பிரபாஸ் ஜோடியாக சலார் படத்தில் நடித்து வருகிறார் ஸ்ருதிஹாசன். யாஷ் நடிப்பில் வெளியாகி பிளாக்பஸ்டர் ஹிட் ஆன கே.ஜி,எப் படங்களை இயக்கிய பிரசாந்த் நீல் தான் சலார் படத்தையும் இயக்கி வருகிறார். இப்படம் இந்த ஆண்டு ரிலீஸ் ஆக உள்ளது. இப்படி டோலிவுட்டில் பிசியான நடிகையாக வலம் வரும் ஸ்ருதிஹாசன், ஷாந்தனு என்கிற டூடுல் கலைஞரையும் காதலித்து வருகிறார்.

தற்போது ஷாந்தனுவும், ஸ்ருதியும் லிவிங் ரிலேஷன்ஷிப்பில் உள்ளனர். மும்பையில் இருவரும் ஒரே வீட்டில் குடித்தனம் நடத்தி வருகின்றனர். தனது காதலுடன் எடுத்த புகைப்படங்களை அவ்வப்போது இன்ஸ்டாகிராமில் பதிவிட்டு வரும் ஸ்ருதி, அண்மையில் ஷாந்தனு உடன் படுக்கையறையில் எடுத்த செல்பி புகைப்படம் ஒன்றை பதிவிட்டிருந்தார். அந்த போட்டோவில் ஸ்ருதிஹாசனை ஷாந்தனு இருக்கமாக கட்டிப்பிடித்தபடி இருந்ததைப் பார்த்து ரசிகர்கள் ஷாக் ஆகிப் போகினர். ஸ்ருதிஹாசன் பதிவிட்ட இந்த அந்தரங்க புகைப்படம் தற்போது வைரலாகி வருகிறது.