பிரபல தொழிலதிபர் லெஜண்ட் சரவணன் நடித்த ‘லெஜண்ட்’ என்ற திரைப்படம் கடந்த 2022 ஆம் ஆண்டு வெளியான நிலையில் அந்த படத்தின் இரண்டாம் பாகம் மிக விரைவில் உருவாக இருப்பதாக கூறப்படுகிறது.
‘லெஜண்ட்’ சரவணன், ஊர்வசி ரவுட்டாலா, பிரபு, விவேக் ,யோகி பாபு, சுமன், நாசர், விஜயகுமார், லதா உள்பட பலர் நடிப்பில் உருவான திரைப்படம் ‘லெஜண்ட்’. இந்த படம் கடந்த 2022 ஆம் ஆண்டு ஜூலை 28ஆம் தேதி வெளியானது என்பதும் இந்த படம் திரையரங்குகளில் பெரிய அளவில் வெற்றி பெறவில்லை என்றாலும் ஓடிடியில் நல்ல வரவேற்பு பெற்றது என்பது குறிப்பிடத்தக்கது.
இந்த படத்தை பிரமாண்டமாக ‘லெஜண்ட்’ சரவணன் தயாரித்திருந்த நிலையில் அவர் அடுத்த படத்திற்கு தயாராகி வருகிறார் என்று கடந்த சில மாதங்களாக கூறப்பட்டது. இந்த நிலையில் தற்போது வந்திருக்கும் தகவலின் படி ‘லெஜண்ட்’ படத்தின் இரண்டாம் பாகம் உருவாக இருப்பதாகவும் இந்த படத்தை துரை செந்தில்குமார் இயக்க இருப்பதாகவும் கூறப்படுகிறது.
‘லெஜண்ட் 2’ என்ற டைட்டில் இந்த படத்திற்கு வைக்கப்படும் என்றும் இந்த படத்தின் படப்பிடிப்பு அடுத்த மாதம் தொடங்க இருப்பதாகவும் கூறப்படுகிறது. மேலும் இந்த படத்தின் கதை முற்றிலும் காஷ்மீர் பகுதியில் நடைபெறும் வகையில் உருவாக்கப்பட்டுள்ளதால் 90 சதவீத படப்பிடிப்பு காஷ்மீரில் நடத்த திட்டமிட்ட திட்டமிடப்பட்டுள்ளதாகவும் தெரிகிறது.
மேலும் இந்த படத்தில் நடிக்கும் நட்சத்திரங்கள் குறித்த அறிவிப்பு மிக விரைவில் வெளியாகும் என்றும் இந்த படத்தின் ஆரம்பகட்ட பணிகள் தொடங்கி விட்டதாகவும் கூறப்படுகிறது.
