சின்னத்திரை நடிகை மற்றும் பிக்பாஸ் போட்டியாளர் ரச்சிதா மகாலட்சுமி முதல் முறையாக ஒரு முயற்சி செய்து உள்ள வீடியோவை வெளியிட்டுள்ள நிலையில் அந்த வீடியோ தற்போது இணையத்தில் வைரல் ஆகி வருகிறது.
சின்னத்திரை உலகில் பல சீரியல்களில் ரட்சிதா மகாலட்சுமி நடித்துள்ளார் என்பதும் குறிப்பாக ’பிரிவோம் சந்திப்போம்’ ’சரவணன் மீனாட்சி’ உள்ளிட்ட சீரியல்களிலும் ’உப்புக்கருவாடு’ ‘மெய்நிகரே’ உள்ளிட்ட படங்களிலும் நடித்துள்ளார் என்பது தெரிந்தது.
மேலும் பிக் பாஸ் சீசன் 6 நிகழ்ச்சியில் ஒரு வலிமையான போட்டியாளராக ரச்சிதா மகாலட்சுமி இருந்தார் என்பதும் கடைசி நேரத்தில் தான் அதாவது 91 வது நாளில் தான் அவர் எவிக்சன் செய்யப்பட்டார் என்பது குறிப்பிடத்தக்கது.
பிக் பாஸ் நிகழ்ச்சியில் கலந்து கொண்டதன் காரணமாக அவருக்கு சில திரைப்பட வாய்ப்புகள் வந்துள்ள நிலையில் அவற்றில் ஒரு திரைப்படம் ’ஃபயர்’/ இந்த படத்தில் பாலாஜி முருகதாஸ் ஹீரோவாக நடித்து வரும் நிலையில் இந்த படத்தில் ஒரு முக்கிய கேரக்டரில் ரச்சிதா மகாலட்சுமி நடித்துள்ளார்.
இந்த நிலையில் இந்த படத்தில் தன்னுடைய கேரக்டருக்காக முதல் முதலாக சொந்த குரலில் டப்பிங் செய்வதாகவும் அவர் குறிப்பிட்டுள்ளார். மேலும் டப்பிங் செய்த வீடியோவையும் அவர் தன்னுடைய இன்ஸ்டாகிராமில் வெளியிட்டுள்ள நிலையில் அந்த வீடியோ தற்போது இணையத்தில் வைரல் ஆகி வருகிறது. முதல் முறையாக சொந்த குரலில் டப்பிங் செய்துள்ள ரச்சிதா மகாலட்சுமிக்கு ரசிகர்கள் வாழ்த்து தெரிவித்து வருகின்றனர். இந்த படம் விரைவில் திரைக்கு வெளியாக உள்ளது என்பது குறிப்பிடத்தக்கது.
