தமிழ் திரை உலகில் ஒரே ஒரு படத்தை அறிமுக இயக்குனர் ஒருவர் இயக்கிய நிலையில் அந்த படம் 100 கோடி ரூபாய் வசூல் செய்து சாதனை செய்த நிலையில் தற்போது அவர் பிஎம்டபிள்யூ கார் வாங்கியுள்ளதாக தகவல் வெளியாகியுள்ளது.
கடந்த 2022 ஆம் ஆண்டு சிவகார்த்திகேயன், பிரியங்கா மோகன் நடித்த ’டான்’ என்ற படத்தின் மூலம் இயக்குனராக அறிமுகமானவர் சிபி சக்கரவர்த்தி. இந்த படம் மிகப்பெரிய வரவேற்பை பெற்றது என்பதும் உலகம் முழுவதும் 100 கோடிக்கும் அதிகமாக இந்த படம் வசூல் செய்ததாகவும் தகவல் வெளியாகியுள்ளது.இதனை அடுத்து அவர் ரஜினி படத்தை இயக்கப் போவதாகவும், தனுஷ் படத்தை இயக்கப் போவதாகவும் கூறப்பட்ட நிலையில் தற்போது மீண்டும் சிவகார்த்திகேயன் நடிக்கும் படத்தை இயக்கப் போவதாகவும், அதற்கான ஆரம்பகட்ட பணிகளை விரைவில் தொடங்க இருப்பதாக கூறப்படுகிறது.
இந்த நிலையில் இயக்குனர் சிபி சக்கரவர்த்தி கடந்த சில மாதங்களுக்கு முன்னர் தனது பெற்றோருக்கு புதிய கார் ஒன்றை வாங்கி கொடுத்த புகைப்படத்தை தனது இன்ஸ்டாகிராமில் பதிவு செய்த நிலையில் தற்போது அவர் தனக்காக ஒரு விலை உயர்ந்த பிஎம்டபிள்யூ கார் வாங்கிய புகைப்படங்களை இன்ஸ்டாகிராமில் பதிவு செய்துள்ளார்.இதையடுத்து அவருக்கு ரசிகர்கள் மற்றும் திரையுலக பிரபலங்கள் வாழ்த்து தெரிவித்து வருகின்றனர். ஒரே ஒரு திரைப்படத்தை மட்டுமே இயக்கி பிஎம்டபிள்யூ கார் வாங்கியுள்ள இயக்குனர் சிபி சக்கரவர்த்திக்கு வாழ்த்துக்கள் குவிந்து வருகிறது.
