Cinema2Day

கதைக்களம்

ஒடுக்கப்பட்ட மக்கள் இனத்தை சேர்ந்த நாயகன் தனுஷ், ஆங்கிலேயர்களுக்கு அடிமையாக ராஜாக்களும், இவர்களுக்கு அடிமையாக மக்களும் இருப்பதை விரும்பாமல், பட்டாளத்தில் சேர்கிறார். சிப்பாயாக இருக்கும் தனுஷ், சுதந்திர போராட்டகாரர்களை ஆங்கிலேயர்களின் கட்டாயத்தின் பெயரில் சுடுகிறார். பின்னர் மனவேதனை பட்டு சுட சொன்னவரை கொலை செய்துவிட்டு கொள்ளை கூட்டத்தில் சேர்கிறார் தனுஷ்.

இவரை பிடிக்க ஆங்கிலேயர்கள் தேடுகிறார்கள். இந்நிலையில், ஊர் கோயிலில் பழமையான பொக்கிஷத்தை ஆங்கிலேயர்கள் எடுத்து சென்றுவிடுகிறார்கள். இதை அவர்களிடம் இருந்து திருட ராஜா ஜெயபிரகாஷ் தனுஷை நாடுகிறார்.

பொக்கிஷத்தை திருடிய தனுஷ், அதை ராஜாவிடம் கொடுக்காமல் ஊரை விட்டு ஓடுகிறார். இதனால் கோபமடையும் ஆங்கிலேயர்கள் ஊர் மக்களை சித்ரவதை செய்து கொல்கிறார்கள்.

இறுதியில் ஊர் மக்களை தனுஷ் காப்பாற்றினாரா? இல்லையா? என்பதே படத்தின் மீதிக்கதை.

நடிகர்கள்

படத்தில் நாயகனாக நடித்திருக்கும் தனுஷ், தான் அசுர நடிகர் என்பதை மீண்டும் நிரூபித்து இருக்கிறார். மக்களுக்காக ஏங்குவது, மனம் வருந்துவது, போராடுவது என அனைத்திலும் ஸ்கோர் செய்து இருக்கிறார். குறிப்பாக சுதந்திர போராட்டகாரர்கள் சுடப்பட்ட பிறகு வருந்தும் காட்சியில் நெகிழ வைத்து இருக்கிறார். ஆக்ஷன் காட்சிகளில் ஆர்ப்பாட்டம் இல்லாத நடிப்பை கொடுத்து இருக்கிறார்.

தனுஷின் அண்ணனாக வரும் சிவராஜ் குமார் கொடுத்த வேலையை சிறப்பாக செய்து இருக்கிறார். கிளைமாக்ஸில் மாஸ் காண்பித்து இருக்கிறார். பிரியங்கா அருள் மோகன் டாக்டராகவும், பிற்பாதியில் தனுஷுக்கு உதவுபவராகவும் நடித்து மனதில் பதிகிறார். நிவேதிதா சதீஷ் ஆக்ஷன் காட்சிகளில் அசத்தி இருக்கிறார். குமரவேல் அனுபவ நடிப்பை வெளிப்படுத்தியிருக்கிறார்.

இயக்கம்

ஒடுக்கப்பட்ட மக்கள் வாழ்வியலில் இருந்து தொடங்கி ஆக்ஷன் படமாக முடித்து இருக்கிறார் இயக்குனர் அருண் மாதேஸ்வரன். கதாபாத்திரங்களை தேர்வு செய்து அவர்களிடம் திறமையாக வேலை வாங்கி இருக்கிறார். கிளைமாக்ஸ் காட்சியை மாஸாக இயக்கி இருக்கிறார்.

இசை

படத்திற்கு பெரிய பலம் ஜிவி பிரகாஷ் இசை. படம் முழுக்க வித்தியாசமான பின்னணி இசை ரசிக்க வைத்திருக்கிறார்.

ஒளிப்பதிவு

பழைய காலத்திற்கு ஏற்ப காட்சிகளை பதிவு செய்து இருக்கிறார் ஒளிப்பதிவாளர் சித்தார்த்தா.

படத்தொகுப்பு

நாகூரன் படத்தொகுப்பு அருமை.

காஸ்டியூம்

பூர்ணிமா ராமசாமி மற்றும் காவ்யா ஸ்ரீராம் காஸ்டியூம் டிசைனில் கதாபாத்திரங்கள் பளிச்சிடுகின்றனர்.

புரொடக்‌ஷன்

சத்திய ஜோதி பிலிம்ஸ் நிறுவனம் ‘கேப்டன் மில்லர்’ திரைப்படத்தை தயாரித்துள்ளது.

கதைக்களம்

பூம்பாறை கிராமத்தில் வசித்து வரும் சிவகார்த்திகேயன் புழு, பூச்சிகளுக்கு கூட தீங்கு நினைக்காத மனிதராக இருக்கிறார். இவரின் வயலை வெட்டுக்கிளிகள் முழுவதுமாக சேதமாக்கிவிடுகிறது. இதனால் வாழ்வாதாரம் தேடி சிவகார்த்திகேயன் சென்னை வந்து யோகிபாபு மற்றும் கருணாகரனுடன் இணைந்து வேலை செய்கிறார்.

இது ஒருபுறம் இருக்க மற்றொரு புறம் வேற்று கிரகத்தில் இருந்து விழுந்த கல்லை வைத்து வில்லன் பூமியில் அதிக துளையிட்டு வாயு ஒன்றை எடுக்க முயற்சிக்கிறார். இதனை அறிந்த ஏலியன் அந்த கல்லை மீட்க வில்லன் இருக்கும் இடத்திற்கு செல்கிறது. அப்போது கல்லை மீட்டு வெளியே வரும் பொழுது அடிப்பட்டு மயங்கிய நிலையில் சிவகார்த்திகேயன் குழுவிடம் மாட்டிக் கொள்கிறது.

ஒரு கட்டத்தில் ஏலியனின் பிரச்சனையை தெரிந்து கொண்ட சிவகார்த்திகேயன் அதற்கு உதவி செய்ய நினைக்கிறார்.

இறுதியில் சிவகார்த்திகேயன் இதனால் என்ன பிரச்சனைகளை சந்தித்தார்? ஏலியன் கல்லை எடுத்துக் கொண்டு தன் கிரகத்திற்கு சென்றதா? என்பதே படத்தின் மீதிக்கதை.

நடிகர்கள்

சிவகார்த்திகேயன் நடிப்பு மட்டுமல்லாமல் ஆக்‌ஷனிலும் கலக்கியிருக்கிறார். ஏலியனுடன் சேர்ந்து சண்டையிடும் காட்சிகளில் மிரட்டியிருக்கிறார். ராகுல் ப்ரீத் சிங் அழகாக வந்து கவர்ந்துள்ளார்.

யோகிபாபு, கருணாகரன் கூட்டணியில் காமெடியும் கைக்கொடுத்துள்ளது. ஏலியனுக்கு சித்தார்த் குரல் கொடுத்துள்ளார். இவரின் குரல் குழந்தைகளை கவரும் விதமாக அமைந்துள்ளது.

இயக்கம்

அயலான் படத்தின் முதல் பாதி சுமாராக இருந்தாலும் இரண்டாம் பாதியில் அதிரடி காட்டியுள்ளார் இயக்குனர் ரவிகுமார். கிராபிக்ஸ் காட்சிகள் ஹாலிவுட் தரத்தில் உருவாக்கப்பட்டுள்ளது. வெட்டுகிளிகள் வரும் காட்சிகள், ஏலியன் வரும் காட்சிகள் என படம் முழுவதும் கிராபிக்ஸால் மிரட்டியுள்ளார்.

இசை

ஏ.ஆர்.ரகுமான் இசையில் பாடல்கள் அனைத்தும் சூப்பர். பின்னணியில் இசையில் ஸ்கோர் செய்துள்ளார்.

ஒளிப்பதிவு

நீரவ் ஷா ஒளிப்பதிவு கண்களுக்கு விருந்தளித்துள்ளது.

படத்தொகுப்பு

ரூபன் படத்தொகுப்பு ரசிக்க வைத்துள்ளது.

காஸ்டியூம்

பல்லவி சிங் மற்றும் நீரஜா கோனா சிறப்பாக காஸ்டியூம் டிசைன் செய்துள்ளனர்.

புரொடக்‌ஷன்

கே.ஜே.ஆர். ஸ்டுடியோஸ் நிறுவனம் ’அயலான்’ திரைப்படத்தை தயாரித்துள்ளது.