Cinema2Day

விஜய் தற்போது லியோ படத்தில் நடித்து முடித்திருக்கும் நிலையில் அடுத்து வெங்கட் பிரபு இயக்கத்தில் தளபதி 68 படத்தில் நடிக்க இருக்கிறார்.

லியோ படத்தின் போஸ்ட் ப்ரொடக்ஷன் பணிகள் தற்போது நடந்து வரும் நிலையில் , இன்னொரு பக்கம் தளபதி68 படத்தின் முதற்கட்ட பணிகளையும் வெங்கட் பிரபு செய்து வருகிறார்.

இந்நிலையில் தற்போது ஒரு புது அப்டேட் தளபதி 68 படம் பற்றி வெளியாகி இருக்கிறது. விஜய் இந்த படத்தில் டபுள் ரோலில் நடிக்கிறாராம்.

வெங்கட் பிரபு இயக்கும் படம் என்பதால் கதை எப்படி இருக்க போகிறது என்றும் எதிர்பார்ப்பு எழுந்திருக்கிறது.

நெல்சன் இயக்கத்தில் ரஜினி நடித்த ஜெயிலர் திரைப்படம் கடந்த வியாழக்கிழமை அன்று திரைக்கு வந்தது.

ரசிகர்கள் மத்தியில் வரவேற்பை பெற்ற இந்த படம் 400 கோடி, 450 கோடி வசூலை நெருங்கி விட்டதாக சோசியல் மீடியாவில் தகவல்கள் வெளியாகி வந்த நிலையில், ஜெயிலர் பட நிறுவனம், இன்று சமூக வலைதளத்தில் ஜெயிலர் படத்தின் ஒரு வார வசூல் குறித்த தகவலை அதிகாரப்பூர்வமாக அறிவித்துள்ளது.

அதில், கடந்த ஒரு வாரத்தில் ஜெயிலர் படம் 375. 40 கோடி ரூபாய் வசூல் செய்திருப்பதாக அறிவிக்கப்பட்டுள்ளது. அதோடு இப்போது வரை ஜெயிலர் படம் ஓடும் தியேட்டர்களுக்கு ரசிகர்கள் படையெடுத்து கொண்டிருப்பதால், கூடிய சீக்கிரமே இப்படம் 500 கோடி வசூலை எட்டிவிடும் என்று கூறப்படுகிறது.

அள்ளித்தந்த வானம், ஜெயம், ரமணா உட்பட பல படங்களில் குழந்தை நட்சத்திரமாக நடித்தவர் கல்யாணி. சில சீரியகளிலும் இவர் நடித்துள்ளார். கடந்த 2013 ஆம் ஆண்டு ரோஹித் என்பவரை திருமணம் செய்து கொண்ட கல்யாணிக்கு ஒரு பெண் குழந்தை உள்ளது.

சில நாட்களுக்கு முன்பு தனது உடல்நிலை குறித்து இன்ஸ்டாவில் ஒரு பதிவு போட்டிருந்தார். அதில், கடந்த 2016ம் ஆண்டு எனக்கு முதுகு தண்டுவடத்தில் ஒரு அறுவை சிகிச்சை செய்யப்பட்டது. அதே இடத்தில் மீண்டும் பிரச்சனை ஏற்பட்டதை அடுத்து மறுபடியும் அறுவை சிகிச்சை செய்து தற்போது நலமாக இருக்கிறேன் என்று தெரிவித்திருந்தார். இந்த காலகட்டத்தில் நான் மன உளைச்சலுடன் இருந்தேன். கணவர் குழந்தையை கவனிக்க வேண்டிய பொறுப்பு இருந்ததால் உடல் உபாதையால் அவதிப்பட்டதாக தெரிவித்திருந்தார்.

ஆனால் இதை வைத்து சிலர், நடிகை கல்யாணி மருத்துவமனையில் படுத்த படுக்கையாக இருப்பது போன்று மார்பிங் செய்த போட்டோக்களை பதிவிட்டு தவறான தகவல்களை பரப்பி வந்தார்கள். இதையடுத்து உடனடியாக இன்னொரு வீடியோ வெளியிட்டுள்ள நடிகை கல்யாணி, இன்னொருவரின் உடலில் என்னுடைய முகத்தை மார்பிங் செய்து தவறான செய்திகளை பதிவு செய்கிறார்கள். நான் உடல் நலம் இல்லாத போது மனரீதியில் எனது பிரச்சனை குறித்து தான் பேசியிருந்தேன். ஆனால் என்னை பற்றி தவறான வீடியோக்களை பதிவு செய்கிறார்கள். தயவு செய்து இது போன்ற செய்திகளை யாரும் சோசியல் மீடியாவில் பரப்ப வேண்டாம் என்று கேட்டுக் கொண்டுள்ளார் நடிகை கல்யாணி.

கடந்த 2000ம் ஆண்டில் கமல்ஹாசன் தயாரித்து, இயக்கி, நடித்து வெளிவந்த திரைப்படம் ‘ஹே ராம்’. இதில் ஷாரூக்கான், ஹேம மாலினி, ராணி முகர்ஜி, நஸ்ருதின் ஷா, நாசர், அப்பாஸ், ஒய்.ஜி.மகேந்திரன் உள்ளிட்டோர் முக்கிய கதாபாத்திரத்தில் நடித்திருந்தனர். இளையராஜா இசையமைத்திருந்தார். மகாத்மா காந்தியை கோட்சே கொன்றது குறித்து இப்படம் உருவானது அந்த காலகட்டத்தில் நல்ல விமர்சனங்களைப் பெற்றாலும் வசூல் ரீதியான வெற்றியைப் பெறவில்லை.

கடந்த சில ஆண்டுகளாக நெட்டிசன்கள் மத்தியில் அதிக பேசப்படும் படமாக ஹே ராம் இருந்து வருகிறது. இந்தக்காலக்கட்டத்தில் இந்த படம் வெளியாகி இருந்தால் நிச்சயம் வெற்றி பெற்று இருக்கும் என பல கூறி வந்தனர். இந்நிலையில் சுதந்திர தினத்தை முன்னிட்டு கமலின் ராஜ்கமல் பிலிம்ஸ் நிறுவனத்தின் யூ-டியூப் சேனலில் இந்த படத்தின் முழு தொகுப்பையும் வெளியிட்டுள்ளனர். படம் வெளியான 22 மணிநேரத்தில் 2.21 லட்சத்திற்கும் அதிகமான பேர் பார்த்துள்ளனர்.

‛‛இந்திய சினிமா வரலாற்றில் இந்தப் படத்திற்கென்று ஒரு இடம் எப்போதும் இருக்கும். இந்திய சினிமாவின் ஆக சிறந்த படைப்பு ஹேராம்… கமல் 200 வருஷம் வாழ்வான் வாலி சொன்னது. ஹே ராம் படம் 200 வருஷம் அல்ல இன்னும் ஆயிரம் வருடம் கமல் சார் வாழ்வார்” என பலரும் கருத்து பதிவிட்டுள்ளனர்.